Ҡобайырҙа халҡым тарихы

Йылайыр районы Юлдыбай ауылы моделле китапханаһында Рәсәй халыҡтарының мәҙәни мираҫы йылына арналған «Ҡобайырҙа халҡым тарихы»  исемле ҡобайырсылар  бәйгеһе үтте. Бәйге «Һаҡмар һандуғасы» Йылайыр шағирә-сәсәниәһе  Фәүзиә Юлдашбаеваның тыуыуына 75 йыл тулыуға арналды.

Бәйгелә һәләтле яҡташыбыҙ, һәүәҫкәр яҙыусы, «Атай бүләге» китабы авторы Фәрҙиә Мөғлитдин ҡыҙы Юнысова ҡатнашып, беренсе урын яуланы!

Фәрҙиә Юнысова Һаҡмар-Наҙарғол ауылының арҙаҡлы шәхесе, йырсы, сәсән, йыраусы, һуғыш һәм хеҙмәт ветераны Мөхәмәтйән Ҡаҙаҡбаевҡа арнап үҙе ижад иткән ҡобайыр менән сығыш яһаны.

Хөрмәтле Фәрҙиә Мөғлитдин ҡыҙына артабан да яңынан-яңы ижади үрҙәр, уңыштар,  ныҡлы сәләмәтлек һәм күңел көрлөгө теләйбеҙ!