Милли кейем көнө

Бөгөн Башҡортостанда Милли кейем көнө билдәләнә. Был көндә Хәйбулла районы китаханасылары төрлө — төрлө матур саралар ойошторҙо, үҙҙәре лә милли кейемдәрҙә фотосессия үткәрергә лә өлгөрҙө.
Милли кейемдә халыҡтың рухи байлығы, йәшәү рәүеше, йолалары, ижади үҫеше сағыла. Сулпы сыңына, алтын-көмөшкә тулған ата-бабаларыбыҙҙың зиннәтле өҫ-башы әле лә һоҡландыра һәм илһамландыра. Үткәндәрҙең мираҫын ҡәҙерләп һаҡлайыҡ!