Башҡорт теленән халыҡ-ара онлайн-диктант
Башҡортостан Башлығы Радий Хәбировтың ҡарарына ярашлы, 2020 йылдың 25 апрелендә Башҡортостан юлдаш телевидениеһы, Интернет селтәре аша онлайн форматта башҡорт теленән халыҡ-ара диктант яҙыу ойошторолдо. Сараны ойоштороусылар – республиканың Мәғариф һәм фән министрлығы, Башҡорт телен һаҡлау һәм үҫтереү буйынса фонд, Бөтә донъя башҡорттары ҡоролтайы.
Был сарала Хәйбулла районы муниципаль районы хакимиәтенең үҙәкләштерелгән китапханалар системаһы хеҙмәткәрҙәре лә актив ҡатнашты.